१७ असोज, काठमाडौं । सांग्रीला डेभलपमेन्ट बैंकले यहि असोज ७ गते देखि १६ गते सम्म नवनियुक्त कर्मचारीहरुलाई १० दिने अभिमुखीकरण तथा बैंकिङ्ग तालिम दिएको छ ।
नवनियुक्त कर्मचारीहरुलाई बैंक सम्बन्धि कामहरु तथा नीति नियमको बारेमा जानकारी दिने, सिकाउने तथा सामाजीकरण गराउने उद्देश्यले तालीम दिइएकोे बैंकले जनाएको छ । बैंकका अनुसार तालिममा नवनियुक्त ७६ जना कर्मचारी सहभागी भएका थिए ।
१० दिने तालिमको समापना समारोहमा बोल्दै बैंकका प्रमुख कार्यकारी अधिकृत सुयोग श्रेष्ठले यस किसिमको तालिमले नवनियुक्त कर्मचारीहरुलाई हौसला प्रदान गर्ने बताए ।
यस किसिमका तालिमले कर्मचारीको सीप विकास तथा आत्मविश्वास बढ्ने भएकाले आउँदा दिनमा पनि यसलाई निरन्तरता दिने उनले बताए ।
कार्यक्रममा सहभागी कर्मचारीहरुले उक्त तालिमबाट काम गर्ने हौसला मिलेको र सबैसँग घुलमिल हुन पनि सघाउ पुगेको बताए ।
