काठमाडौं । भारतले पाँचौं तथा अन्तिम एकदिवसीयमा वेष्टइण्डिजलाई ९ विकेटले हराएको छ र सिरिज ३-१ ले जितेको छ ।
रविन्द्र जडेजाको शानदार बलिङको मदतमा भारतले वेष्टइण्डिजलाई मात्र १०४ रनमा अलआउट गरेको थियो । जुन लक्ष्य उसले मात्र १४.५ ओभरमा एक विकेटको क्षतिमा भेट्टायो ।
भारतका रोहित शर्मा ६३ र कप्तान विराट कोहली २२ रनमा अविजित रहे । भारतका एक मात्र विकेट शिखर धवनका रुपमा गुम्यो । उनले ४ रन बनाए ।
यसअघि पहिले ब्याटिङ गरेको वेष्टइण्डिजले ३१.५ ओभरमा सबै विकेट गुमाएर मात्र १०४ रन बनाएको थियो । यो वेष्टइण्डिजले भारतविरुद्ध बनाएको अहिलेसम्मकै कम स्कोर हो ।
उसको सुरुवात निकै खराब रहृयो । ५७ रन जोड्दा आधा टिम र १०४ मा पुरै टिम पभेलियन फर्कियो । जडेजाले ९.५ ओभरमा ४ विकेट लिएभने जसप्रीत बुमराह र खलील अहमदले २-२ विकेट लिए ।
प्रतिक्रिया दिनुहोस
