९ कात्तिक, काठमाडौं । इंग्लिस क्लब आर्सनलले युरोपा लिग फुटबलमा लगातार तेस्रो जित हात पारेको छ ।
युरोपा लिगको समूह ए मा रहेको आर्सनलले बिहीबार राति पोर्चुगलको स्पोर्टिङ लिस्बोनलाई १–० गोलले पराजित गरेको हो । आर्सनलको कठिन जितमा वेलवेकले गोल गरेका थिए ।
गोल गर्ने अवसरलाई सदुपयोग गर्न नसक्दा पहिलो हाफमा दुबै टिमले गोल रहित बराबरी खेलेका थिए । खेलको ७७औं मिनेटमा आर्सनलका लागि वेलवेकले गोल गरे । उनको गोलसँगै आर्सनलले स्पोर्टिङमाथि जित दर्ता गर्न सफल भयो ।
जितसँगै आर्सनलको ३ खेलबाट ९ अंक भएको छ । त्यस्तै, दोस्रो स्थानमा रहेको स्पोर्टिङ ६ अंक रहेको छ ।
प्रतिक्रिया दिनुहोस
