काठमाडौं । क्रोएसियाको एक अदालतले फुटबलर लुका मोडरिकविरुद्ध झुटो बयान दिएको अभियोग अस्वीकार गरेका छन् ।
क्रोएसियाका अभियोजनकर्ताहरुले मोडरिकमाथि पूर्वक्लब डिनामा जाग्रेबका प्रमुखको पक्षमा झुटो बयान दिएको अभियोग लगाएका थिए । तर, क्रोएसियाको अपराध अदालतले त्यसलाई अस्वीकार गरेको छ ।
सन् २००८ मा टोटनहृयाम आएका मोडरिक अहिले रियल मड्रिडमा छन् । उनले फिफा र यूईएफए दुबैको उत्कृष्ट खेलाडी अवार्ड जितेका छन् ।
खेलाडी ट्रान्सफरबाट आएको रकम अनियमिताको आरोपमा डिनामाको प्रमुख कार्यकारी जाड्रोभ्को मामिक र तीन अधिकारी जेल सजाय सुनाइएको छ । तर, मामिक भागेर बोस्निया पुगेका छन् ।