२४ असोज, काठमाडौं । बुधबार सेयर बजार स्थिर देखिएको छ । सेयर बजार हरियाली देखिए पनि १ अंकको समेत वृद्धि हुन सकेन । बुधबार दिनभरमा ०.०३ प्रतिशत अर्थात शुन्य दशमलव ४० अंकले नेप्से परिसूचक उकालो लागेको हो ।
नेप्से परिसूचकमा ०.४० अंकको वृद्धि देखिए पनि कारोबार रकम भने अघिल्लो कारोबारको तुलनामा ओरालो लागेको छ । ४ हजार ५ सय ३२ कारोबारबाट दिनभरमा १ सय ६२ कम्पनीको ८ लाख ५६ हजार १ सय ८७ कित्ता सेयर किनबेच भएका छन् ।
जसअनुसार कारोबार रकम २२ करोड ६५ लाख २४ हजार ६ सय ४७ रुपैयाँमा रोकिएको छ । ययस अघिको कारोबार मंगलबार भने ३४ करोड ३२ लाख ९४ हजार ४ सय ३० रुपैयाँको सेयर कारोबार भएको थियो ।
बुधबार सबैभन्दा बढी कारोबार सानिमा माई हाइड्रोपावर लिमिटेडको भएको छ । सानिमाको ३ करोड ४२ लाख ३० हजार ५१९ रुपैयाँको सेयर कारोबार भएको नेपाल स्टक एक्सचेञ्जले जनाएको छ ।
प्रतिक्रिया दिनुहोस
