काठमाडौं । वेष्टहृयामसँग हारेसँगै म्यानचेष्टर युनाइटेडले प्रिमियर लिगमा २९ वर्षकै खराब सुरुवातको रेकर्ड बनाएको छ ।
शनिबार भएको खेलमा वेष्टहृयामले म्यानचेष्टर युनाइटेडमाथि ३-१ गोल अन्तरको जित निकालेको हो । लिगमा सात खेल खेलेको युनाइटेडको यो तेस्रो हार हो । एक खेल बराबरी खेलेको उसले मात्र तीन खेलमा जित हात पारेको छ ।
घरेलु मैदानमा भएको खेलमा वेष्टहृयामले पाँचौं मिनेटमा फिलिप एण्डरसनको गोलबाट अग्रता लिएको थियो । ४३ औं मिनेटमा लिनडेलोफले आत्मघाती गोल गरेपछि पहिलो हाफमा घरेलु टोली २-० ले अगाडि रहृयो ।
खेलको ७४ औं मिनेटमा रास्फोर्डले गोल गर्दै युनाइटेडलाई खेलमा फर्काउने संकेत दिएका थिए ।
तर, तीन मिनेटपछि नै मार्को अर्नाटोभिचले गोल गर्दै घरेलु टोलीको जित सुनिश्चित गरे ।
प्रतिक्रिया दिनुहोस
