१६ कात्तिक, काठमाडौं । अखिल नेपाल फुटबल संघ (एन्फा) ले साफ यु-१८ महिला च्याम्पियनसिपमा उपविजेता बनेको नेपाली टिमका प्रत्येक सदस्यलाई नगदसहित सम्मान गरेको छ ।
एन्फाले सातदोबाटोस्थित एन्फा कम्प्लेक्समा शुक्रबार टिमका प्रत्येक सदस्यलाई ५० हजार नगदसहित सम्मान गरेको हो । भुटानको थिम्पुमा सेप्टेम्बर २८ देखि अक्टोबर ७ तारिखसम्म आयोजना भएको साफ यु-१८ मा नेपालले उपविजेतामा चित्त बुझाएको थियो ।
नेपाल फाइनलमा बंगलादेशसँग १-० गोलअन्तरले पराजित भएको थियो । राष्ट्रिय खेलकुद परिषद्का सदस्य सचिव केशवकुमार विष्टको उपस्थितिमा नेपाली टिमलाई सम्मान गरिएको थियो ।
प्रतिक्रिया दिनुहोस
