३० असोज, काठमाडौं । बर्दिया र जुम्लामा अवैध रुपमा जुवातार खेलिरहेको अवस्थामा प्रहरीले ३८ जनालाई नियन्त्रणमा लिएको छ ।
बर्दियाको बढैयाताल गाउँपालिका-१ खल्लागाउँ बस्ने २८ वषीय रामु थारुको घरमा तास खेलिरहेको अवस्थामा ५० हजार नगदसहित २४ जना पक्राउ परेका छन् ।
यस्तै जुम्लाको चन्दननाथ नगरपालिका-६ बस्ने कटकबहादुर थापाको पुलहाउसमा अवैध रुपमा जुवा खेल्ने १४ जनालाई दुई लाख ५१ हजार नगदसहित पक्राउ गरिएको प्रहरीले जानकारी दिएको छ ।
पक्राउ परेकाहरुको थप अनुसन्धान भइरहेको प्रहरीले जानकारी दिएको छ ।
प्रतिक्रिया दिनुहोस
