५ मंसिर, विराटनगर । सुनसरीको दुहबीमा १ व्यक्तिको गोली हानी हत्या भएको छ ।
अज्ञात समूहले स्थानीय बाबा इँटा उद्योगका म्यानेजर फिदा हुसेनको बुधबार बिहान दुहबी–९ नहर क्षेत्रमा गोली हानी हत्या गरेको हो ।
सुनसरीका एसपी राजन अधिकारीले मोटरसाइकलमा आएका अज्ञात समूहले हानेको गोली लागी हुसेन घाइते भएको र न्यूरो अस्पताल विराटनगरमा उपचारका मृत्यु भएको जानकारी दिए ।
मर्निङवाकमा निस्किएका हुसेनमाथि कसले र किन गोली हान्यो भन्ने खुलेको छैन । प्रहरीले घटनाबारे जानकारी पाएलगत्तै यसमाथि अनुसन्धान शुरु गरेको जनाएको छ ।
‘हुसेनमाथि कसले र किन गोली हान्यो भन्ने खुलेको छैन’, एसपी अधिकारीले भने, ‘यसबारे हामीले अनुसन्धान गरिरहेका छौं ।’
एसपी अधिकारीका अनुसार हुसेनको शव अहिले उनकै निवासमा राखिएको छ ।
प्रतिक्रिया दिनुहोस
