१२ कात्तिक, काठमाडौं । १५ वर्षमुनिको साफ च्याम्पियनसिप फुटबलमा भारत सेमिफाइनलमा पुगेको छ ।
सोमबार भएको पहिलो खेलमा भुटानलाई ४-० गोल अन्तरले पराजित गर्दै समूह उपविजेताको रुपमा सेमिफाइनलमा स्थान बनाएको हो ।
सुरुदेखिनै भुटानमाथि दबाब राखेको भारतले चौथो मिनेटमा अग्रता लिएको थियो । उसका लागि पाउल सुभोले गोल गरेका थिए ।
पहिलो हाफमा १ गोल गरेको भारतले दोस्रो हाफमा ३ गोल थपेको थियो ।
भारतका सुब्बाब कुसाङले ६६ औं मिनेटमा टिमकालागि दोस्रो गाल गरेका थिए । उनै सुब्बाले ८३ औं मिनेटमा व्यक्तिगत दोस्रो गोल गर्दा भारत ३-० ले अघि बढेको थियो । ९० औं मिनेटमा पनि भारतले गोल गर्दै ४-० को जित निकालेको हो ।
भारत र भुटान आफ्नो पहिलो खेलमा पाकिस्तानसंग पराजित भएका थिए । पाकिस्तान ६ अंकसहित समूह विजेताको रुपमा सेमिफाइनलमा पुगि सकेको छ ।
सोमबार नै समूह चरणको अन्तिम खेलमा नेपालले बंगलादेशसंग प्रतिस्पर्धा गर्दैछ ।
