१० कात्तिक, पोखरा । विवेकशील साझा पार्टीले युवा व्यवसायी महेश भण्डारीलाई गण्डकी प्रदेशको संयोजक घोषणा गरेको छ ।
शनिबार पोखराको उद्योग वाणिज्य संघको सभाहलमा आयोजित कार्यक्रममा पार्टीका संयोजकद्वय रविन्द्र मिश्र र उज्जवल थापाले भण्डारीलाई माटोको टीका लगाएर पार्टीको गण्डकी प्रदेश सँयोजक घोषणा गरेका हुन् ।
भण्डारी बिग एफएमका संचालक समेत हुन् । भण्डारीले पार्टीले दिएको जिम्मेवारीप्रति खुसी व्यक्त गर्दै गण्डकी प्रदेशलाई राजनीतिक रुपमा नमूना प्रदेश बनाउने बताए ।
विवेकशील साझा पार्टी अहिले संगठन विस्तारमा जुटेको छ । पार्टीले सुदूरपश्चिम, कणर्ाली, प्रदेश नम्बर ५ र प्रदेश नम्बर ३ का संयोजकको घोषणा गरिसकेको छ । प्रदेश १ र २ मा पनि छिट्टै कार्यक्रम आयोजना हुने पार्टीले जनाएको छ ।
प्रतिक्रिया दिनुहोस
