गुगलको न्यूज एपमा एक बगले आक्रमण गरेसँगै प्रयोगकर्ता प्रभावित भएका छन् ।
भाइरसको आक्रमणका कारण गुगल न्यूज एप चलाउने स्मार्टफोन प्रयोगकर्ताको मोबाइल डाटा निकै तिव्र गतिमा खपत भएको छ । कतिपय प्रयोगकर्ताहरुमा ६ महिना देखिनै यो समस्या देखिँदै आएको बताइएको छ । गुगलको न्यूज एपले अत्यधिक धेरै ब्याकग्राउण्ड डाटाको खपत गर्ने गरेको प्रयोगकर्ताको गुनासो छ ।
द भर्जमा छापिएको रिपोर्ट अनुसार गुगल न्यूज हेल्प फोरममा समेत एपमा छिरेको बगका बारेमा गुनासो गरिएको थियो ।
स्मरण रहोस् गत मे महिनामा यो न्यूज एप लञ्च भएको थियो र त्यहीँ बेलादेखि नै प्रयोगकर्ताले अत्यधिक डाटा खपतको समस्या झेल्दै आएका छन् । गुगलले सेप्टेम्बरमा यो समस्या समाधान गर्ने बताएको थियो । तर अहिलेसम्म पनि गुगल न्यूज एपका प्रयोगर्काहरु मोबाइल डाटा रित्तिने समस्याको सिकार बनिरहेका छन् ।
रिपोर्ट अनुसार जब प्रयोगकर्ताले स्मार्टफोनमा Download via wifi मोड अन गर्दछन् ब मोबाइल डाटाको खपत झनै तीव्र बन्दछ । कहिलेकाहिँ त प्रयोगकर्ताले पत्तै नपाइकन एक दिनमा २४ जीबीसम्म डाटा खपत भएको गुनासो गरेको बताइएको छ ।
एजेन्सी
