२१ असोज, काठमाडौं । पाकिस्तानले साउदी अरबसँग उधारोमा तेल मागेको छ । साउदी वित्त मन्त्रीले यसै हप्ता पाकिस्तानको भ्रमण गरेका थिए र सोही अवसरमा पाकिस्तानले उधारोमा तेल मागेको हो ।
पाकिस्तानबाट प्रकाशित हुने उर्दू अखबार दुनियाका अनुसार पाकिस्तानले साउदी अरबसँग आगामी तीन महिनासम्म दैनिक दुई लाख ब्यारेल तेल उधारोमा दिन माग गरेको छ ।
साउदी अरबले हाल दैनिक एक लाख १० हजार ब्यारेल तेल एक महिनासम्मका लागि उधारोमा दिइरहेको छ ।
पाकिस्तान हाल आर्थिक संकटमा छ र उक्त संकटबाट देशलाई माथि उठाउन उधारोमा तेल मागिएको समाचारमा उल्लेख छ ।
प्रतिक्रिया दिनुहोस
