१४ असोज, काठमाडौं । पेरिस सेन्ट जर्मेन (पीएसजी) ले फ्रेन्च लिग वानमा नाईसमाथि सहज जित निकालेको छ ।
शनिबार राति भएको खेलमा पीएसजीले नाइसलाई ३–० गोलअन्तरले पराजित गरेको हो । पीएसजीको जितमा नेयमारले २ गोल गरे । त्यस्तै, क्रिस्टोफर कुन्कुले गोल गरेका थिए ।
खेलको २२ औ मिनेटमा नेयमारले गोल गर्दै पीएसजीलाई सुरुवाती अग्रता दिलाएका थिए ।
पहिलो हाफमा १–० गोलले अघि रहेको पीएसजीले दोस्रो हाफमा थप २ गोल गर्न सफल भयो । खेलको ४६ औ मिनेटमा कुन्कुले गोल गर्दै पीएसजीलाई दोब्बर अग्रता दिलाएका थिए ।
एकपछि अर्को गरी नाइसमाथि हाबी भएको पीएसजीका लागि खेलको अतिरिक्त समयमा नेयमारले गोल गर्दै ३–० गोलको जित दिलाएका हुन् ।
प्रतिक्रिया दिनुहोस
