१२ असोज, हेटौंडा । नेपाल निर्माण व्यवसायी महासंघका अध्यक्ष रवि सिंहले सरकारको समृद्धिको सपना पूरा हुन निर्माण व्यवसायीमैत्री वातावरण आवश्यक भएको बताएका छन् ।
सरकारले निर्माण व्यवसायी मैत्री वातावरण बनाए सरकारको हरेक कदममा महासंघ काँधमा काँध मिलाएर अघि बढ्न तयार रहेको बताए ।
निर्माण व्यवसायी संघ मकवानपुरको २१ औं साधारणसभा तथा अधिवेशन उद्घाटन गर्दै अध्यक्ष सिंहले निर्माण व्यवसायीलाई अलग राखेर सरकारको लक्ष्य पूरा नहुने धारणा राखे । राष्ट्र विकासका लागि निर्माण व्यवसायीहरुको भूमिका महत्वपूर्ण रहेको भन्दै सरकारले निर्माण व्यवसायीलाई गलत नजरले हेर्न नहुने बताए ।
समयमै निर्माण सम्पन्न हुन नसक्नु निर्माण व्यवसायीको कारणमात्रै नहुने भन्दै अध्यक्ष सिंहले दोष नहुँदा नहुँदै पनि निर्माण व्यवसायीलाई बदनाम गरिएको दावी गरे ।
प्रतिक्रिया दिनुहोस
