अर्थ समिति बैठकः विषयगत छलफल गर्न ५ उपसमिति गठन गरिने

५ मंसिर,काठमाडौं । प्रतिनिधिसभाको अर्थ समितिले विभिन्न विषयहरुमा विषयगत छलफलका लागि ५ वटा उपसमितिहरु गठन गर्ने निर्णय गरेको छ ।

बुधबार बसेको समितिको बैठकले आर्थिक नीति, बैंक तथा वित्तीय संस्था, राजश्व व्यवस्थापन, कर र गैर कर लगायतका विषयहरु हेर्ने गरी ५ वटा उपसमितिहरु गठन गर्ने निर्णय गरेको हो । उपसमितिहरु गठन गर्ने निर्णय भए पनि गठन भने गरिएको छैन ।

समितिको आगामी बैठकले उपसमितिहरु गठन गर्ने सभापति कृष्णप्रसाद दाहालले जानकारी दिए ।

सभापति दाहालले भने, ‘आज ५ वटा उपसमिति गठन गर्ने निर्णयमात्रै भएको हो, अब अर्को बैंकमा उपसमितिमा बस्न चाहाने माननीय सदस्यहरुले नाम दिनु हुनेछ, सोही आधारमा उपसमितिहरु गठन हुनेछन् ।’

अनलाइन खबरबाट