न्यूयोर्क / काष्ठमण्डप शहरमा मनाइने इन्द्रजात्रा अमेरिकाको न्युयोर्कमा पुगेको छ । करिब १०० भन्दा बढी नेवार तथा गैरनेवार समुदाय मिलेर पहिलो पटक ज्याक्सन हाइट्समा इन्द्रजात्रा मनाएका हुन् ।
जात्राका आयोजक नेवा गुठीका अध्यक्ष निर्मल प्रधानले आफ्नो संस्कृतिलाई विदेशमा पनि निरन्तरता दिन पाएको भन्दै खुशी व्यक्त गरे ।
त्यस्तै, जात्राका कला संयोजक विजय नकर्मीले आफ्नो भाषा र संस्कृति सदैव प्यारो हुने बताउँदै यसलाई अब हरेक वर्ष निरन्तरता दिइने जानकारी दिए ।