पौष २७ गतेबाट रिलिज हुन लागेको चलचित्र ‘भिलेन’को फस्टलुक रिलिज गरिएको छ । नायक निखिल उप्रेतीको मुख्य भूमिका रहेको यो चलचित्रको फस्टलुकमा उनलाई मात्र देखाइएको छ ।
चलचित्रमा शिल्पा पोखरेल, निशा अधिकारी लगायतका कलाकारको पनि मुख्य भूमिका छ । चलचित्रमा निखिल शिर्ष भूमिकामा देखिएका छन् । वितरक सुनिल मानन्धरले यो डेट फाइनल गरेका हुन् ।
देवेन्द्रराज पाण्डेको निर्देशनमा यो चलचित्र तयार भएको हो । यो डेटमा यसअघि नै २ वटा चलचित्रले प्रदर्शन मिति तोकिसकेका छन् । कमेडी कथामा बनेको चलचित्र ‘चौका दाउ’ र लभस्टोरी कथामा बनेको चलचित्र ‘ब्रेकअप’ यो मितिमा आउने फाइनल भैसकेको छ ।
अब, माघ १ गते पर्ने माघे संक्रान्तीको बिदा खानका लागि निखिलको ‘भिलेन’ पनि आइपुगेको छ । योसँगै यो मितिमा ३ वटा चलचित्र चल्ने देखिएको छ ।
प्रतिक्रिया दिनुहोस
