Uncategorized

पेट्रोल पम्पबाट चार लाख चोरेर भाग्ने कर्मचारी पक्राउ

११ कात्तिक, गोरखा । गोरखा नगरपालिका-८ मा रहेको कलश आयल स्टोर्स (पेट्रोल पम्प) बाट नगद चोरेर भाग्ने सोही स्टोर्सका कर्मचारी पक्राउ परेका छन् ।

नगद चार लाख नौ हजार रुपैयाँ चोरेर भागेका मकवानपुरका १८ बर्षका राज खड्कालाई आइतबार विहान पक्राउ गरिएको जिल्ला प्रहरी कार्यालय गोरखाले जनाएको छ ।

रातको समयमा तेल हाल्न आएको सवारीबाट लिएको रकम चोरेर उनी शनिबार राति नै भागेका थिए ।

चेकजाँचको क्रममा उनलाई गोरखा र तनहुँको सिमाना मझुवा प्रहरी चौकीबाट आइतबार विहान करिव पाँच बजे पक्राउ गरिएको प्रहरी निरीक्षक झविन्द्र भट्टराईले बताए ।

खड्का सोही स्टोर्सको तेल बोक्ने ट्याङकरमा सहचालकको रुपमा काम गर्थे । पक्राउ परेका खड्कालाई चोरी मुद्दा दर्ता गरी थप अनुसन्धान भइरहेको उनले बताए ।

अनलाइन खबरबाट

प्रतिक्रिया दिनुहोस
purnakhabar
Journalist from Itahari
http://purnakhabar.com

Leave a Reply

Your email address will not be published. Required fields are marked *